Í síðustu viku var piparkökubakstur inni á deildum og höfðu bæði börnin og starfsfólk mjög gaman af. Í gær var svo jólaföndur með foreldrum þar sem piparkökurnar voru skreyttar ásamt öðru skemmtilegu föndri. Hópastarf í hefðbundnum skilningi leggst af í desember og verður áherslan lögð á notalegar stundir og jólaföndur ásamt nokkrum hefðbundnum viðburðum sem eru alltaf á dagskrá i desember. Þessir viðburðir eru m.a. jólaleikrit, kirkjuferð barna á eldri deildum, jólaball og aðventukaffi með foreldrum.

Nú er í vinnslu kynningarmyndband þar sem starfsemi leikskólans er sýnd á skemmtilegan hátt. Enn á eftir að taka nokkrar myndir til þess að klára myndbandið en við vonumst til að það verði tilbúið í lok desember eða byrjun janúar.

Eins og þið hafið eflaust tekið eftir að þá er Suðurborg hnetulaus leikskóli (komnar myndir upp á veggi á öllum deildum) og viljum við biðja ykkur foreldrar um að virða það þar sem að það er mikið bráðaofnæmisbarn innan leikskólans hjá okkur.