Leikskólinn verður lokaður vegna sumarleyfa frá og með 14. júlí og til og með 11. ágúst. Leikskólinn opnar svo aftur eftir sumarleyfi þann 12. ágúst. 

Dagur leikskólans var á laugardaginn 6.febrúar og í tilefni þess hengdum við upp listaverk eftir börnin á grindverkið úti.

Það er líka gaman að segja frá því að þetta ár þá hlaut leikskólastigið í heild sinni hvatningarverðlaunin Orðsporið. Það var mat valnefndar um Orðsporið að leikskólakennarar, stjórnendur og starfsfólk leikskólanna hafi sýnt ótrúlega elju og fagmennsku á tímum COVID-19. Leikskólarnir hafa unnið afar vel úr erfiðum aðstæðum með velferð og nám barna í algjöru fyrirrúmi.

Til hamingju með dag leikskólans og vonandi hafið þið haft gaman af listaverkasýningunni. 

Góðan dag

Á morgun þriðjudag 15.desember verður jólaball inni á yngri deildum klukkan 10.00 (jólasveinar munu koma og heilsa upp á börnin og verða fyrir utan gluggann með ýmsa skemmtun)

Eftir hádegi í útiveru þá fá börnin á eldri deildum óvænta uppákomu og það munu koma jólasveinar í garðinn að syngja, leika og gera fullt skemmtilegt með þeim. 

Eldri börnin fá svo sitt jólaball 18.desember

Jólakveðja, starfsfólk Suðurbogar

Á miðvikudaginn 9.desember ætlum við að hafa jólapeysudag í leikskólanum. Börn og starfsfólk gera sér glaðan dag með því að mæta í jólapeysu eða peysu skreytta jólaskrauti.

Á föstudaginn 16. október ætlum að halda upp á bleika daginn í leikskólanum. Allir að mæta í einhverju bleiku eða með eitthvað bleikt 😀